Militantët islamik ekzekutojnë dhjetëra ushtarë irakian të zënë rob (Foto)

18:32 | 15 Qershor 2014

Militantët islamikë në Irak kanë publikuar fotografi ku shihet tek ekzekutojnë dhjetëra ushtarë irakianë të kapur në luftimet që kanë përfshirë vendin ditëve të fundit. 

Imazhet e postuara në një faqe interneti, paraqesin luftëtarët e maskuar të Shtetit islamik të Irakut dhe të Sirisë (ISIS), duke i detyruar robërit të shtrihem në një gropë të cekët. 

Në fotot tjera shihen trupat e njerëzve të lyer me gjak, pasi ata u qëlluan me armë. 

Ata thonë se vrasjet u bënë për t\’u hakmarrë për vdekjen e komandantit ISIS Abdul-Rahman el-Beilawy, njofton Associated Press.

Vdekja e el-Beilawy-së është raportuar nga ISIS dhe qeveria irakiane pak para se grupi islamik të marr kontrollin e Mosulit, qyteti i dytë më i madh në Irak, dhe Tikritit, qyteti i lindjes së ish-diktatorit Sadam Huseinit. 

Zëdhënësi ushtarak i Irakut, gjenerallejtënant Qassim al-Moussaëi, konfirmoi autenticitetin fotove. Ai tha se ishte në dijeni të rasteve të vrasjeve masive të ushtarëve të kapur të Irakut në zonat e mbajtura nga ISIS. 

Seria e plotë e fotografive tregon militantët duke i ngarkuar në kamionë, para se të dërgohen për pushkatim.

Shumica e ushtarëve që paraqiten në fotografi janë në rroba civile. Në zonat e okupuara janë parë shumë veshje ushtarake të braktisura, që tregon se ata mund të jenë maskuar me ngut në rroba civile në përpjekje për të shpëtuar. (lajmi.net)