Filippo Inzaghi do të jetë trajner i ri i Milanit, në vend të Clarence Seedorfit, kanë bërë të ditur mediat italiane.

Ish reprezentuesi holandez mori drejtimin e ekipit nga San Siro në janar, pas shkarkimit të Massimiliano Allegrit dhe e udhëhoqi skuadrën drejt pozitës së tetë në Serie A.

Mirëpo, kjo duket se nuk mjaftoi që ai të mbetet në detyrë, pasi marrëdhëniet mes tij dhe bordit u shkatërruan gjatë aventurës prej pesë muajsh.

Milani ka filluar kërkimin për një pasardhës dhe u tërhoq nga interesimi për trajnerin e Sevilla, Unai Emery, për shkak të çmimit të lartë.

Menaxhmenti i klubit, përfshirë presidentin Silvio Berlusconi dhe nënkryetarin Adriano Galliani u takuan të hënën mbrëma dhe vendosën që Inzaghi është kandidati kryesor dhe trajneri i duhur për të drejtuar ekipin në sezonin e ardhshëm.

Pas përfundimit të karrierës së tij si futbollist më 20012, ai ka qenë i angazhuar me ekipin e të rinjve të Milanit.