Milan kalon në gjysmëfinale të kupës, atje e pret Juventusi
Milan ka kaluar në gjysmëfinale të Kupës së Italisë, pasi ka mposhtur Torinon vetëm pas vazhdimeve me rezultat 4:2.
Sport
Koha e rregullt e ndeshjes përfundoi 2:2.
Giacomo Bonaventura shënoi në minutën e 12’ për të zhbllokuar ndeshjen dhe për të kaluar Milanin në epërsi 1:0.
Mysafirët në vazhdim të ndeshjes përmbysën gjithçka, kur barazuan fillimisht në minutën e 34’, dhe shënuan edhe golin e dytë në minutën e 71’. Të dy golat i shënoi Bremer.
Milanin në lojë e mbajti Hakan Calhanoglu, që në minutat shtesë barazoi në 2:2.
Në vazhdime, Milan arriti të shënonte edhe dy gola të tjerë për 4:2.
Hakan Calhanoglu në minutën e 106’ dhe Zlatan Ibrahimovic në minutën e 109’, vendosën rezultatin përfundimtar të ndeshjes.
Milan në gjysmëfinale do të takohet me Juventusin./Lajmi.net/