Milan e sakrifikon Donnarumman, për këta lojtarë
Milan janë të gatshëm të shesin Gianluigi Donnarumman te PSG, me shpresën për të investuar me transferimin e Iscos apo James Rodriguez nga Real Madrid.
Sport
Sipas La Gazzetta dello Sport dhe Corriere dello Sport, Donnarumma është shumë afër të pranojë një transferim te PSG, ku do të bashkohej me ish drejtorin e Milanit, Leonardo.
Oferta e parë prej 20 milionë euro dhe shërbimet e Alphonse Areola është refuzuar nga Milan, që kërkon vetëm para të gatshme për 20 vjeçarin.
Nëse parisianët do të përmbushnin ofertën e Milanit, atëherë Pepe Reina do të ishte zgjedhja e parë për skuadrën nga ‘San Siro’.
Me paratë nga shitja e Donnarumma, Milan të hapte bisedimet me Real Madridin, për transferimin e James Rodriguez apo Isco, duke mos përjashtuar mundësinë edhe për blerjen e Angel Correa nga Atletico Madrid./Lajmi.net/