Meta: Faturën për dëmet e shkaktuar +TVSh duhet dërguar në Vetëvendosje
Deputeti i LDK-së, Bardhyl Meta thotë se urrejtja e Vetëvendosjes ndaj “Zajedincës” po sjell dëmtim masiv të pronës publike, asaj shtetërore dhe private.
![](https://lajmi.net/wp-content/uploads/2015/09/dsc-6210.jpg)
Lajme
Pas dëmtimeve të veturave zyrtare që Vetëvendosje kanë bërë të premten, Meta thotë se fatura për të gjitha dëmet e shkaktuara në protesta të dhunshme, madje me gjithë TVSh, duhet t’i dërgohet nga institucionet përkatëse po këtij subjekti politik që po shkakton dëme.
Madje, ai e qon këtë ide deri në fund. Thotë se nëse nuk i paguajnë duhet angazhuar përmbaruesi dhe tu ndalohen parat që shteti i jep si subjekt politik i regjistruar.
Ja shkrimi i tij i plotë:
VV: Me’demek, urrejtje ndaj “Zajednicës” – ndërkaq, për pasojë, dëmtim masiv (i planifikuar) i pronës publike, asaj shtetërore por edhe private!?
– Në fakt, do të duhej që shumë thjesht, fatura e të gjitha dëmeve të shkaktuara në protesta të dhunshme – plus TVSH, t’i dërgohej nga institucionet përkatëse, partisë politike të quajtur “Vetëvendosjes”! Ngase, ajo (me aktivistët e saj) po i shkakton dëmet me paramendim, me plan operativ dhe qëllimisht!
– Po tutje?
Tutje, ose ia dërgon përmbaruesin – nëse s’paguhet fatura, ose vlera totale e faturës, i zbritet nga kuota financuese, që VV (si çdo parti tjetër) merr nga buxheti Kosovës për financim të partive politike…!
Kaq, sa i përket, dëmeve fizike e materiale, të shkaktuara me paramendim, plan e aksion konkret të veprimit të dhunshëm – të cilësdo parti politike apo organizatë e individ…!
Tjerat: tjerat, përveç dhunës e vandalizmit, janë thjeshtë mendime, qëndrime, opinione, mospajtime, kundërshtime etj, etj… pra janë thjeshtë politike dhe krejtësisht legjitime e demokratike – çoftë në Kuvend, apo jashtë tij…!
Por, kur kemi të bëjmë me vandalizëm programor, të qëllimshëm dhe kur kemi të bëjmë me dëme materiale – ndaj kujtdo – atëherë kjo, duhet të ketë koston e vet, faturën me adresë të caktuar + TVSH, si gjithandej në botë…!