Lionel Messi ka thënë se nuk ka nevojë të fitojë Kampionatin botëror me Argjentinën për t’u konsideruar si futbollisti më i mirë i të gjitha kohërave.

Katër herë fituesi i Topit të Artë, tashmë përmendet në nivel të njëjtë me legjendat si Pele dhe Diego Maradona.

Por, për dallim prej tyre, ai ende nuk e ka fituar titullin e kampionit të botës me Argjentinë.

Shumëkush është i mendimit se Messi duhet të shpallet fitues në një Kampionat botëror që të përforcojë statusin e tij legjendar, por sulmuesi i Barcelonës mendon ndryshe.

“Mendoj se ka shumë futbollistë që konsiderohen si më të mirët në histori pa e fituar një Kampionat botëror”, deklaroi Messi për Ole.

“Por, pa dyshim se triumfi në një Kampionat botëror është pozitiv dhe do të ishte diqka shumë e veqantë”, u shpreh ai.