Kapiteni i Brazilit, Thiago Silva e di metodën se si mund të ndalet Lionel Messi. Qendërmbrojtësi thotë se sulmuesi i Argjentinës mund të ndalet vetëm me revole.

Brazili dhe Argjentina janë në mesin e favoritëve për të fituar Kampionatin botëror 2014 dhe Silva e di se mund të ketë punë të vështirë në rast se ballafaqohet me Messin.

“Për ta ndalur Messin gjatë një dueli një kundër një, duhet të keni një revole në dorë”, deklaroi Silva për revistën Placar.

“Duke konsideruar pushimin që ka bërë për shkak të lëndimeve që pësoi gjatë sezonit të fundit, Messi do të bëjë punë të madhe në Botëror”, deklaroi Silva.

Përndryshe, Silva është objektiv afatgjatë i Barcelonës dhe në të ardhmen mund të jetë bashkëlojtar i Messit, nëse vendos të transferohet në Camp Nou.