lajmi.net

Messi mbetet në Barcelonë

Nuk ekziston asnjë mundësi për largimin e yllit Lionel Messi nga Barcelona, ka thënë presidenti i klubit, Josep Maria Bartomeu.

Sport

01/10/2014 09:33

Presidenti i Barcelonës, Josep Maria Bartomeu ka insistuar se Lionel Messi nuk do të largohet nga Camp Nou.

Ylli argjentinas është futbollisti kryesor i gjigantit katalan, dhe sipas Bartomeut nuk ekziston asnjë mundësi për largimin e tij nga klubi.

“Nuk ekziston asnjë mundësi për largimin e Messit”, deklaroi Bartomeu për “RMC”.

“Shpresojmë se Messi do ta përfundojë karrierën e tij këtu. Kam dëgjuar për klube të interesuara, por ai është i lumtur në Barcelonë, njësoj sikurse familja e tij. Nuk ekziston asnjë mundësi për largimin e tij, do të ishte vërtetë një befasi e madhe”, u shpreh ai. 

Messi mbetet në Barcelonë

Babai i Lionel Messit ka mohuar sugjerimet se biri i tij mund të largohet nga Barcelona pas përplasjeve me disa prej krerëve të klubit. Katër herë fituesi i Topit të Artë akuzoi nënkryetarin Javier Faus se nuk ka njohuri për futboll dhe se mundohet ta drejtojë klubin si një biznes. Kritimat e Messit erdhën pas…

Sport

21/12/2013 20:36

Babai i Lionel Messit ka mohuar sugjerimet se biri i tij mund të largohet nga Barcelona pas përplasjeve me disa prej krerëve të klubit.

Katër herë fituesi i Topit të Artë akuzoi nënkryetarin Javier Faus se nuk ka njohuri për futboll dhe se mundohet ta drejtojë klubin si një biznes.

Kritimat e Messit erdhën pas komenteve fillestare nga Faus i cili sqaroi se gjiganti katalan nuk është i obliguar t’ia vazhdojë kontratën Messit me kushte të përmirësuara financiare, siç ishte përmendur më parë nga presidenti Sandro Rosell.

Lufta verbale ka zgjuar frikë mes tifozëve të Barcelonës se ylli argjentinas mund të largohet nga klubi. Por, babai i tij ka insistuar se Messi nuk do të braktisë klubin.

“E ardhmja e Lionel Messit është në Barcelonë. Askush nuk mund të dyshoj se Lionel është në Barcelonë për ndjenjën e mirë që ka për klubin. Kur Lionel thotë diçka, atëherë gjithmonë krijon lajm. Nuk kemi nevojë për një situatë të konfliktit”, deklaroi Jorge Messi për Ole.

LM