Sulmuesi i Barcelonës, Lionel Messi është zotuar se do të bëjë “gjithçka” për të mposhtur Atletico Madridin dhe të sigurojë kualifikimin në gjysmëfinalen e Copa del Rey.

Skuadrat ndeshen sonte në Vicente Calderon për ndeshjen e kthimit ku Barcelona ka avantazh 1:0 nga dueli i parë falë golit nga Messi.

“Mezi e pres ballafaqimin në Madrid”, shkroi Messi në faqen e tij në Facebook.

“Do të japim gjithçka në fushë për të arritur në gjysmëfinale”, shtoi ai.

Gjiganti katalan arriti deri në finalen e edicionit të shkuar në Copa del Rey ku u mposht nga Real Madrid.