Trajneri i Barcelonës, Luis Enrique thotë se Lionel Messi është futbollisti më i mirë në botë, edhe kur mbrohet.

44 vjeçari e drejtoi gjigantin katalunas për herë të parë në La Liga sonte, duke e mposhtur Elchen 3:0.

Edhe pse Javier Mascherano u ndëshkua me karton të kuq, kjo nuk e pengoi Lionel Messin me shokë që të fitonin.

Madje, ylli argjentinas realizoi dy gola, ndërsa një tjetër e shtoi Munir.

“Messi është më i miri në botë, edhe kur mbrohet. E pamë atë duke bërë gjëra të pabesueshme. Ai do të jetë më i miri në botë derisa jep asistime, shënon gola, bën presion”, deklaroi trajneri spanjoll.

“Ai është prekur nga shkopi magjik qe disa vite”, vazhdoi Luis Enrique, i cili e lavdëroi edhe talentin Munir El Haddadi, i cili shënoi një gol sonte.