Megjithatë, ylli i Napolit kthehet në kohë për ndeshjen kundër Kosovës
Ylli i Napolit, i cili luan me kombëtaren e Maqedonisë Veriore, Elif Elmas, pritet të jetë gati për ndeshjen kundër Kosovës.
Sport
Kosova do të luajë në udhëtim kundër Maqedonisë Veriore në kuadër të Ligës së Kombeve, në rrugëtimin drejt Euro 2020.
Para kësaj ndeshje, thuhej se lojtari i Napoli, Elmas, vuante nga një dëmtim, lajm ky që e vinte nën presion trajnerin Angelovski.
Por, lojtari sot ka kompletuar seancën stërvitore me Napoli, duke qetësuar kombëtaren e tij, transmeton lajmi.net.
Elmas nuk ka treguar ndonjë problem në stërvitjen e sotme dhe do të jetë gati për ndeshjen historike, siç cilësohet kjo mes Maqedonisë Veriore dhe Kosovës. /Lajmi.net/