Medvedev arrin në finale të US Open
Tenisti rus, Daniil Medvedev ka arritur në finale të US Open për vitin 2021.
Sport
Medevedev në gjysmëfinale mposhti kanadezin, Felix Auger Aliassime në tre sete, 6-4 7-5 6-2.
Kjo do të jetë finalja e tretë Grand Slam në karrierën e Medvedev dhe e dyta në US Open, pasi rusi e kishte arritur finalen në këtë turne madhor edhe në vitin 2019, kurse ishte finalist edhe në Australian Open të këtij viti.
Numri dy i botës në finale do të pret fituesin e duelit Zverev/Djokovic që do të zhvillohet sonte pas mesnate nga ora 02:30.
25-vjeçari do të kërkojë triumfin e tij të parë në karrierë në një Grand Slam, pasi kishte dështuar ta bëj në dy finalet paraprake.
Finalja e US Open do të zhvillohet të dielën, gjersa orari ende nuk është përcaktuar. /Lajmi.net