Të Infektuar: 37.792

Të Shëruar: 23.274

Të Vdekur: 975

Me 36 gola, Ciro Immobile fiton Këpucën e Artë – lë prapa Lewandowskin e Cristiano Ronaldon

22:47 | 1 Gusht 2020

Ciro Immobile është fituesi i Këpucës së Artë për edicionin 2019/20.

Immobile ka shënuar 36 gola me fanellën e Lazio, duke lënë prapa tij emra si Robert Lewandowski e Cristiano Ronaldo.

Lewa ka shënuar 34 gola gjatë këtij sezoni me fanellën e Bayern Munich, me sezonin në Bundesliga që përfundoi më herët sesa ai i Serie A.

Kurse, Cristiano Ronaldo kishte 31 gola dhe nuk u paraqit në xhiron e fundit, duke bërë që Immobile ta kishte të sigurt çmimin edhe para fundit të ndeshjes së sontme, ku ai u regjistrua në listën e realizatorëve.

Më poshtë lajmi.net ua përcjell renditjen në garën e Këpucës së Artë (top 5 realizatorët).

Ciro Immobile, Lazio – 36 gola (72)

Robert Lewandowski, Bayern Munich – 34 gola (68)

Cristiano Ronaldo, Juventus – 31 gola ( 62)

Timo Werner, Leipzig – 28 gola (56)

Lionel Messi, Barcelona – 25 gola (50) /Lajmi.net/