Më 22 shtator rifillon puna në ambulancat specialistike

Më 22 shtator do të rifilloj puna në ambulancat specialistike. Kështu është bërë e ditur nga Shërbimi Spitalor Klinik Universitar i Kosovës (ShSKUK).

Lajme

20/09/2021 15:18

Në njoftim ShSKUK thotë se rifillimi i ambulancave specialistike po bëhet pas rënies së numrit të pacientëve të spitalizuar me COVID-19.

“Shërbimi Spitalor Klinik dhe Universitar i Kosovës ( ShSKUK), njofton se nga data 22 shtator 2021 ( e mërkurë), do të rikthehet puna në ambulanca specialistike , për shkak të rënies së numrit të pacientëve të spitalizuar me COVID-19”, ka njoftuar ShSKUK.

Ndërkohë që sot janë liruar edhe hapësirat e klinikave interne.

“Poashtu, nga dita e sotme, 20 shtator 2021, hapësirat e klinikave interne janë liruar, më nuk ka pacientë me COVID-19. Pritet që pas dezinfektimit të hapësirave klinikat të kthehen në hapësirat e tyre”, thuhet në njoftimin e ShSKUK-së. /Lajmi.net/