Sulmuesi argjentinas, Paulo Dybala, mund të largohet nga Juventus në përfundim të sezonit, për t’u transferuar në Spanjë.

‘Mundo Deportivo’ raporton se ‘Colchoneros’ kanë përgatitur tashmë një ofertë prej nëntë milionë euro në vit për Dybalan, përcjell ‘lajmi.net’.

Në këto bisedimet do të përfshihet vetë Diego Simeone, që synon të bind yllin e Juventusit për t’u transferuar në ‘Wanda Metropolitano’.

Në anën tjetër, Juventus nuk do të pranojë të heq dorë nga Dybala, nëse Atletico nuk ofron së paku 80 milionë euro.

Dybala është pjesë e Juventus që nga viti 2015, kur ishte transferuar nga Palermo./Lajmi.net/