Përmes një njoftimi të Komunës së Prishtinës thuhet se ky veprim është ndërmarrë pasi që veprimtaria e kazinove – bastoreve është e kundërligjshme në këto lokacione, sipas ligjit për lojërat e fatit.

Njëkohësisht, komuna thotë se janë evidentuar edhe raste kur pronarë të këtyre bastoreve – kazinove kanë tentuar ta largojnë shenjat zyrtare më të cilat u është ndaluar kjo veprimtari dhe ndaj të njëjtëve, është proceduar fletëparaqitja në gjykatë, si vepër penale.

Komuna e Prishtinës njofton opinionin se aksione të tilla do të vazhdojnë me intensitet të shtuar, deri në zbatimin e përpiktë të ligjit, ndërsa, njëkohësisht, janë duke u vëzhguar të gjitha bastoret – kazinot e mbyllura deri më tani./KosovaPress/