Hashim Musah është dënuar me 24 ndeshje mos lojë për shkak të shënimit të dy autogolave qëllimisht pasi e kuptoi që ndeshja ishte e shitur.

Musah, që në atë kohë luante për Inter Allies, u inkuadrua nga baka rezervë për të shënuar dy autogola në 12’ minutat e fundit të ndeshjes.

Në fund të ndeshjes, skuadra e Ashanti Gold shënoi fitore me rezultat të thellë 7:0 kundër Inter Allies. Musah e pranoi pas ndeshjes se i kishte shënuar qëllimisht autogolat në një përpjekje për të prishur një skandal të kurdisjes së ndeshjeve, transmeton lajmi.net.

The craziest own goals ever in the history of football.

Ashgold 7 vs 0 Inter Allies. Ghana Premier League smh. pic.twitter.com/bM2LSc7fC9

— Saddick Adams (@SaddickAdams) July 19, 2021

“Pas ndeshjes, ekipi im teknik më përgëzoi për prishjen e bastit që kishin vënë. I premtova trajnerit që nëse më lejon të luajë nga banka rezervë, unë do ta prishja kurdisjen. Dhe pas ndeshjes ekipi im më përgëzoi”, tha Musah për “Kumasi FM”.

“Kam dëgjuar në hotelin tonë se ishte vendosur që ndeshja të kurdisej me rezultat të saktë 5:1 kundër klubit tim. Vendosa që ta prishja atë kurdisje sepse unë nuk e përkrahi kurdisjen e ndeshjeve”, shtoi më tej mbrojtësi ganez.

Afro një vit më vonë dhe tani Musah i është reduktuar pezullimi nga 24 muaj sa i ishte shqiptuar, në një pezullim gjashtëmujor mos aktivitet në fushat e gjelbra. Ndërkaq, më poshtë mund të gjeni dy autogolat e Musah që arritën të prishin kurdisjen e ndeshjes në Premier Ligën e Ganës. /Lajmi.net/