Mata afër Man Utd’it
Manchester United është optimist për transferimin e Juan Matas nga Chelsea në marrëveshje me vlerë prej 37 milionë funtesh, ka bërë të ditur tabloidi britanik The Sun. Bisedimet për blerjen e 25-vjeçarit janë në fazë të avancuar dhe Mata pret që t’i nënshtrohet testeve mjekësore në Old Trafford para fundjavës. Edhe pse United është duke…
![](https://lajmi.net/wp-content/uploads/media/image/201401/full/Man-Utd7.jpg)
Sport
Manchester United është optimist për transferimin e Juan Matas nga Chelsea në marrëveshje me vlerë prej 37 milionë funtesh, ka bërë të ditur tabloidi britanik The Sun.
Bisedimet për blerjen e 25-vjeçarit janë në fazë të avancuar dhe Mata pret që t’i nënshtrohet testeve mjekësore në Old Trafford para fundjavës.
Edhe pse United është duke u marrë me çështjen me seriozitet dhe kujdesin më të madh të mundshëm – pas dështimeve të mëdha gjatë verës së shkuar – menaxheri David Moyes besohet se është shumë pranë finalizimit të marrëveshjes.
Mata dëshiron të largohet nga Chelsea pasi ka fare pak hapësirë në ekipin e Jose Mourinhos.
United që është gjashtë pikë larg pozitës së katërt në Premierligë, është nën presion të kualifikohet për në edicionin e ardhshëm të Ligës së Kampionëve.