Nxënësit shqiptarë në shkollën “25 Maji” në Tuz, kanë festuar për kualifikimin e kombëtares shqiptare në kampionatin evropian që do të mbahet vitin e ardhshëm në Francë.

Nxënësit kishin festuar me flamuj dhe simbole kombëtare dhe kjo gjë si duket u ka penguar institucioneve malazeze, raportojnë mediat shqiptare në Mal të Zi.

“Nga nxënësit pritet të sillen në përputhje me të drejtat e obligimet e veta dhe sjellje të tilla nuk do të tolerohen”, thuhet në mes tjerash në deklaratën e ministrisë./lajmi.net/