Selektori i Argjentinës, Gerardo Martino ka thënë se ai gjithmonë do të votojë Lionel Messin për Topin e Artë.

Sulmuesi i Barcelonës u mposht në garën e vitit të kaluar nga rivali i tij nga Real Madrid, Cristiano Ronaldo.

Fituesi votohet nga kapitenët e selektorët e Kombëtareve përkatëse, si dhe një grup i gazetarëve.

Andaj, Martino është i vendosur se ku do të shkojë vota e tij.

“Gjithmonë do ta votoj Messin për Topin e Artë”, deklaroi Martino.

“Messi do të vazhdojë të thyejë rekorde. Është kënaqësi të shohim Leon, argjentinas, si golashënuesi më i mirë në Ligën e Kampionëve”, u shpreh ai.