Marotta është ‘CEO’ i Interit dhe një nga këshilltarët e Lega Serie A.

“Objektivi i të gjithëve është të mbrojmë shëndetin e të gjithëve”, tha Marotta për Sky Sport Italia përpara Bologna-Inter, një nga ndeshjet e Serie A që nuk do të luhet sot.

“Lega Serie A ka miratuar një protokoll të ri dhe së shpejti do të ketë një deklaratë zyrtare. Situata është kaotike. Lojërat janë shtyrë nga autoritetet lokale shëndetësore (ASL) të cilët vendosën në mënyrë të pavarur”, vazhdoi drejtori i Interit.

“Ekipet si Verona lejohen të luajnë pavarësisht se kanë dhjetë lojtarë pozitivë për COVID, ndërsa ekipet e tjera me më pak raste nuk luajnë. Mungon qartësia. Situata ndryshon nga krahina në krahinë dhe nga rajoni në rajon dhe gjithçka është konfuze.”

“Shpresoj se vaksina do të bëhet e detyrueshme për të ulur rreziqet dhe situata të ngjashme në të ardhmen. Mjekët thonë se me përforcuesin mund të shmangim dëmtimet serioze nga COVID.

“Duhet të jetë i detyrueshëm për sportistët sepse do të kufizonte rreziqet e dëmtimit si dhe periudhat e karantinës”, ka përfunduar Marotta. /Lajmi.net/