Villareali udhëton sot në Bernabeu për tu përballur me Real Madridin, ndërsa trajneri i mysafirëve është treguar mjaft optimist para këtij takimi.

“Ne do të synojmë të luajmë një ndeshjë të shkëlqyer, të jemi ekstremisht sfidues dhe të jemi guximtar kur e kemi topin, për të nervozuar kundërshtarin”.

“Nuk është e lehtë të fitosh në Bernabeu. Ne e dimë se do të jetë një ndeshje e vështirë kundër njërës nga tri skuadrat më të mira në botë”.

“Sidoqoftë, ne do ta shijojmë një gjë të tillë. Ne do të tentojmë t’ia vështirësojmë jetën Realit”, përfundoi Marcelino.