Marca: Ronaldo më i miri në histori, mposht Messin
Cristiano Ronaldo ka fituar çmimin “Më i miri i të gjitha kohërave” të organizuar nga Marca.
Sport
Ndjekësit e gazetës spanjolle sportive votuan legjendat e ndryshme të futbollit përmes sondazheve në sfidat me nokaut dhe zgjodhën yllin e Juventusit si futbollistin më të mirë të të gjitha kohërave.
Portugezi fitoi çmimin “GOAT” pasi mposhti Leo Messin, në finalen mes dy fenomenëve që kanë dominuar futbollin botëror në vitet e fundit. Kampioni i Juventusit mposhti edhe rivalë të tjerë si Maldini, Zidane dhe Maradonën.
Në finale portugezi mori 54% të votave: 246 mijë në total. Messi , nga ana tjetër, ndaloi në shifrën 46%, duke mbledhur 209 mijë vota.
Në gjysmëfinale, ylli i Juventusit kishte eliminuar Maradonën (59% kundër 41%) ndërsa Messi mundi Ronaldo (brazilianin) me 52% të votave.