Mandzukic raportohet të ketë arritur marrëveshje personale me skuadrën e Manchester United.

Kroati ka qenë në negociata me skuadrën gjatë ditëve të fundit, kur United po negocion edhe për shkëmbimin Dybala – Lukaku.

Sipas ‘Gazzetta dello Sport’, Mandzukic ka marrëveshje personale me Man Utd, në një kontratë dy vjeçare, me opsion vazhdimi për vitin e tretë, transmeton lajmi.net.

33 vjeçari kishte kaluar tek Juvenuts në vitin 2015, për shumën e 25 milionë eurove, nga skuadra e Atletico Madrid.

Sezonin e kaluar, edhe pse nuk ishte zgjedhja e parë në formacion në shumicën e ndeshjeve, ai shënoi 10 gola, duke shtuar edhe shtatë asistime. /Lajmi.net/