Mancini nënshkruan me Interin

Roberto Mancini ka nënshkruar kontratë me Interin deri më 30 qershor 2017, dhe do ta zëvendësojë Walter Mazzarrin e shkarkuar nga detyra.

Sport

14/11/2014 15:27

Roberto Mancini është trajner i ri i Interit.

Sipas “Gazzetta dello Sport”, strategu italian ka nënshkruar kontratë për dy vjet e gjysmë me Nerazzurrët dhe është bërë pasardhës i Walter Mazzarrit, i cili u shkarkua nga detyra pas startit katastrofal të sezonit në Serie A ku skuadra pas 11 xhirosh ka grumbulluar vetëm 16 pikë.

Mancini, trajner i lirë, do të prezantohet si strateg i ri i Interit gjatë një konference për shtyp të shtunën.

Ai ka nënshkruar kontratë me Interin deri më 30 qershor 2017.