Miranda nuk do të luajë në Atletico Madrid edhe gjatë sezonit të ardhshëm.

Qendërmbrojtësi brazilian është shumë pranë transferimit në Manchester United, ka bërë të ditur e përditshmja sportive madrilene As. Gjithçka është gati që braziliani të jetë qendërmbrojtës i ri i gjigantit nga Old Trafford për sezonin 2014-15.

Miranda ishte një prej futbollistëve kryesorë të Atletico Madridit në sezonin e fundit, duke krijuar një ‘mur’ në qendër të mbrojtjes së bashku me Diego Godinin.

Manchester United me menaxherin e ri Louis van Gaal janë në kërkim të një zëvendësuesi për serbin Nemanja Vidic i cili është larguar nga klubi, dhe ka nënshkruar për Interin, dhe Miranda pritet të jetë pasardhës i tij.

United do ta blejë Mirandan për rreth 30 milionë euro.