Sir Alex Ferguson nuk do të jetë në Old Trafford për vizitën e Swanseas.

Sportsmail ka njoftuar se ish menaxheri i Manchester United ka udhëtuar për në Barbados me familjen të premten për një pushim një javor.

Familja e tij besohet se do të shënojë dy ditëlindje në atë që është përshkruar si grup prej 30 personash.

Ferguson është kritikuar së fundmi për përcjelljen e vazhdueshme të ndeshjeve të Manchester Unitedit nga tribunat, ku disa besojnë se prezenca e tij ka shtuar presionin ndaj pasardhësit David Moyes.

Ferguson ka shikuar nga tribunat tri humbjet e fundit të njëpasnjëshme të Unitedit derisa Moyes e nisi mbrapshtë vitin 2014 duke pësuar disfata nga Tottenham, Swansea dhe Sunderland.

United nuk ka një tjetër ndeshje deri në të dielën e javës së ardhshme kur viziton Stamford Bridgen, ku Ferguson mund të jetë sërish në tribuna.