Fituesi i Kupës së Botës, Pogba nuk ka luajtur që nga 30 shtatori për shkak të një dëmtimi të shputës por kishte pasur sugjerime se ai mund të ishte i aftë për takimin në Serbi.

De Gea luajti në barazimin 1-1 të United ndaj Liverpool të dielën por nuk arriti të paraqitet për pjesën e hapur të stërvitjes në Carrington, transmeton lajmi.net.

Luke Shaw, Nemanja Matic, Diogo Dalot dhe Axel Tuanzebe gjithashtu munguan, me katërshen që ishin të padisponueshëm për ndeshjen me ‘Reds’ në Old Trafford.

Është e paqartë kur Pogba do të bëjë përfundimisht rikthimin e tij edhe pse Ole Gunnar Solskjaer do të jetë i dëshpëruar ta kthejë atë sa më shpejt që të jetë e mundur, për shkak të jokonsistencës të klubit të tij në Premierligë. /Lajmi.net/