Manchester City nuk di për asgjë tjetër përveç fitoreve si vendas, këtë edicion në Premierligë.

Skuadra nga Etihad Stadium mposhti Liverpoolin me rezultat 2:1 në kryendeshjen e xhiros së 18’të dhe u ngjit në pozitën e dytë, duke e shkëputur kundërshtarin nga kreu i tabelës.

Reds kaluan të parët në epërsi pas 24 minutash lojë kur Philippe Coutinho shënoi nga afërsia. Por, City u kundërpërgjigj shpejt nëpërmjet kapitenit Vincent Kompany i cili e barazoi rezultatin pas gjysmë ore lojë.

Kurse, rezultatin e përmbysi sulmuesi Alvaro Negredo në çastet e fundit të pjesës së parë.

Pas intervalit, të dyja skuadrat patën mundësi të tjera për shënim, ndërsa veçohet ai i sulmuesit të Liverpoolit, Raheem Sterling i cili pas asistimit nga Luis Suarez e dërgoi topin mbi portë.

City e administroi lojën dhe mori fitoren e radhës në shtëpi duke u ngjitur në kuotën e 38 pikëve, një më pak se lideri Arsenali.

Kurse, Liverpool ra në pozitën e katërt me 36 pikë.