Ylli algjerian, Riyad Mahrez ka një kontratë valide vetëm deri vitin tjetër, por City është në rrugë të mirë për të rinovuar kontratën e lojtarit.

Raportime nga ‘L’Equipe’ bëjnë të ditur se Mahrez është tashmë shumë afër marrëveshjes me ‘Citizens’, transmeton lajmi.net.

Anësori pritet të vë firmën e tij në një kontratë që vlen deri në vitin 2025.

Mahrez pritet të ketë pozitën e tij në formacionin startues, sidomos pas largimit të Raheem Sterling.

Mahrez ishte një nga lojtarët kyç dhe më produktiv te skuadra e Pep Guardiolas gjatë sezonit të kaluar. /Lajmi.net/