Në një bisedë telefonike Macron “i bëri thirrje Turqisë që të veprojë në përputhje me sovranitetin e plotë të shteteve anëtare të Bashkimit Europian dhe me të drejtën ndërkombëtare”, sipas Elizesë, raporton ATSh.

Macron i kërkoi presidentit Erdogan të përmbahej nga veprimet e njëanshme që mund të provokonin tensione dhe të ndërmerrte hapa në ndërtimin e një hapësire paqeje dhe bashkëpunimi në të gjithë Mesdheun.