Në deklaratën e tyre të përbashkët gjithashtu thuhet se pranimi i Serbisë në BE përfaqëson qëllimin e përbashkët strategjik dhe shpreh dëshirën për t’u krijuar shumë shpejt kushtet për rifillimin e dialogut midis Kosovës dhe Serbisë.

Emanuel Macron qëndroi për vizitë në Serbi 2 ditë, më 15 dhe 16 korrik, me ftesë të presidentit të Serbisë, Aleksandër Vuçiq.

Gjatë kësaj vizite, të dy liderët kanë konfirmuar angazhim të përbashkët për vlerat demokratike dhe të drejtat e njeriut, sundimin e ligjit dhe multi-lateralizimin dhe ata gjithashtu kanë shprehur gatishmërië e tyre për të kontribuar në paqe, prosperitet dhe stabilitet në Evropë e botë.

Përveç reformat e nevojshme ekonomike, në të cilën Serbia tregon përparim të rëndësishëm, të dy shtetarët theksuan nevojën për përpjekje më të mëdha në fushën e sundimit të ligjit, të drejtave themelore, forcimin e institucioneve demokratike dhe reformën e administratës publike.

Ata ranë dakord që mosmarrëveshjet dypalëshe të zgjidhen nëpërmjet negociatave dypalëshe, në përputhje me të drejtën ndërkombëtare dhe me mirëbesim.

Me rastin e shënimit të 180-vjetorit të themelimit të marrëdhënieve diplomatike midis Francës dhe Serbisë, të dy shtetasit ranë dakord të vazhdojnë të zbatojnë Marrëveshjen e Partneritetit Strategjik dhe Bashkëpunimit, të nënshkruar nga Qeveria e Francës dhe ajo e Serbisë më 8 prill 2011.

Për këtë qëllim, ata vendosën të vazhdojnë dialogun politik të nivelit të lartë, për të forcuar bashkëpunimin e tyre në fushën e sigurisë dhe mbrojtjes, për të nxitur shkëmbimin kulturor dhe Frankofoninë, për të punuar së bashku për integrimin e Serbisë në BE dhe për të zhvilluar një shkëmbim ekonomik, veçanërisht në fushën e inovacionit. /Lajmi.net