Macron e pret Kurtin me 23 qershor në Pallatin Elize
Kryeministri Albin Kurti, të mërkurën, më 23 qershor, në orën 19:30, do të pritet në Pallatin Elize në Paris nga Presidenti i Francës Emanuel Macron.
Lajme
Kjo është vizita e parë e Kurtit në Paris, që nga zgjedhja e tij si kryeministër i vendit.
Radio Kosova merr vesh se Kurti dhe Macron do të bisedojnë lidhur me temën e dialogut midis Kosovës dhe Serbisë si dhe perspektivën e Kosovës drejt integrimeve Evropiane.
Githashtu, kryeministri Kurti, do të kërkojë nga presidenti Macron përkrahje për procesin e liberalizimit të vizave.
Ftesën për takimin e së mërkurës, presidenti i Farncës Macron, ia kishte dërguar para tre muajsh kryeministrit Kurti, pasi ai kishte fituar zgjedhjet parlamentare të 14 shkurtit.