Obama e ka bërë një vizitë të papritur mbrëmë në Bazën ajrore amerikane në Bagram të Afganistanit, për ta festuar së bashku me ushtarët  Ditën e Përkujtimit.

Ai u tha ushtarëve se lufta është në një moment vendimtar, pasi forcat e Afganistanit po e marrin përgjegjësinë primare për sigurinë e vendit të tyre, raporton RFE.

Presidenti amerikan tha se shpreson që Uashingtoni ta nënshkruaj marrëveshjen për siguri me Kabulin, pasi të inaugurohet presidenti i ri i këtij vendi.

Presidenti i deritashëm afgan, Hamid Karzai, ka refuzuar ta nënshkruaj këtë marrëveshje, e cila parasheh që në Afganistan të mbetet një kontingjent i vogël i ushtarëve amerikanë për trajnim dhe misione kundërterroriste edhe pas këtij viti.