Lojtarët e Serie A do të vazhdojnë karantinën dyjavore nëse preken nga Covid-19

CTS ka bërë të ditur që nuk ka synime të uljes së periudhës karantine dyjavore për lojtarët e prekur nga koronavirusi.

Sport

27/05/2020 09:26

Klubet po shpresonin për një karantinë më të lehtë për lojtarët pozitivë dhe dëshirojnë t’i rikthejnë ato në grup pas dy testeve të njëpasnjëshëm.

Por CTS, sipas Tuttomercatoweb, ka ritheksuar se nuk ka alternativa të tjera dhe dy javët nuk do të jenë të diskutueshme, transmeton lajmi.net.

Sipas raportit, Komiteti Teknik dhe Shkencor ka theksuar se nuk duhet të ketë ndonjë përjashtim për futbollin, duke pasur frikë nga një valë e re e mundshme.

CTS përgjigjet se ideja për një trajtim tjetër të lojtarëve ‘është mashtruese dhe provokuese në besueshmërinë dhe ashpërsinë shkencore’ të vetë Komitetit. /Lajmi.net/