Liverpool synon të transferojë heroin e Meksikës nga Kampionati botëror, Guillermo Ochoa gjatë afatit kalimtar të janarit, dhe ta inkuadrojë atë direkt në formacionin bazë, shkruan tabloidi britanik “Metro”.

Ochoa i cili shkëlqeu për Meksikën në Kampionatin botëror, spekulohej me transferim te Reds pas garës në Brazil, por në fund nënshkroi për Malagan.

Megjithatë, transferimi tek skuadra nga La Liga doli vendim i gabuar pasi Ochoa ende nuk ka bërë asnjë paraqitje në ligë dhe raportohet se mund t’i bashkohet Liverpoolit pas rihapjes së afatit kalimtar në janar.

Menaxheri i Liverpoolit, Brendan Rodgers kërkon një portier të ri për ta zëvendësuar titullarin Simon Mignolet, dhe Ochoa duket se është opsioni i duhur.