Brendan Rodgers ka bërë të ditur se synon të sjellë futbollistë në janar, që mund të vijnë dhe menjëherë të përmirësojnë ekipin e Liverpoolit.

Reds kanë filluar mbarë sezonin dhe Rodgers është i kënaqur me opsionet që ka në dispozicion, por ai beson se skuadra e tij ende ka nevojë për përforcime.

Menaxheri ka identifikuar fushat ku ndjenë se ka nevojë për investime dhe është i bindur se skuadra e tij mund të luftojë për kreun e tabelës në Premierligë.

“Ne duhet të sjellim futbollistë në ekip”, deklaroi Rodgers për uebfaqen zyrtare të Liverpoolit.

“Ne kemi skuadër e cila nuk ka mbulesë të mjaftueshme por në të ardhmen mendojmë të sjellim futbollistë që vijnë dhe menjëherë e përmirësojnë ekipin tonë. E kemi bërë këtë vitin e kaluar dhe mund të përfitojmë sërish nga mundësia që sjell janari”, u shpreh ai.