Aliu, në emisionin ‘Pressing’ në T7 ka kërkuar “vetëm një fakt” lidhur me rastin dhe se bashkë me Ramqajn, do të jepte dorëheqje edhe ai nga pozita e ministrit, shkruan lajmi.net.

“Të gjithë ata që kërkojnë me shkarku unë Florent Ramqaj, le t’ma thojnë një fakt të vetëm, që e ndërlidh drejtpërdrejtë Ramqajn me rastin. Gjemani një fakt të vetëm, nuk dëgjohet fare Florent Ramqaj në përgjim. Gjemani një fakt që e ndërlidh Florent Ramqaj, qoftë cilindo, natyrisht që menjëherë shkarkohet, natyrisht që edhe unë jap dorëheqje. Nëse incizimi është i autorizum, ne kemi gatishmëri t’i ofrojmë të gjitha bashkëpunimet. Amo tash me këqyre me e lidhë diqysh që me tregu në fund që edhe këta qenkan si ata të tjerët…”, ka deklaruar ndër të tjera Aliu.

Aliu i ka quajtur qesharake përgjimet e publikuara në të cilat pretendohet se ai është i përfshirë në korrupsion.

“U krijua një fluskë  e madhe se qysh ka me dalë tash ministri në përgjim duke marrë pare ose duke i dhënë pare dikujt, ndonjë këshilltari të tij. Unë i njoh këshilltarët e mi”, tha ministri i Qeverisë Kurti. /Lajmi.net/