Sulmuesi i Borussia Dortmundit, Robert Lewandowski ka njoftuar se do t’i bashkohet Bayern Munichut si futbollist i lirë në vitin 2014.

25-vjeçari spekulohej me transferim në Allianz Arena gjatë afatit kalimtar të verës por lëvizja iu mohua nga kryesia e Dortmundit, duke e detyruar të qëndrojë edhe për një stinor nën urdhrat e Jurgen Kloppit.

Por, Lewandowski ka konfirmuar se Bayerni është destinacioni i tij i ardhshëm dhe do të nënshkruajë marrëveshjen në janar, para transferimit në verë. I pyetur nga Sport1 nëse do të konfirmojë transferimin në Bayern gjatë janarit, Lewandowski u përgjigj: “Po, sepse atëherë mund të nënshkruaj zyrtarisht kontratën”.

Ylli polak ka realizuar 80 gola në 149 paraqitje për Dortmundin pas transferimit nga Lech Poznan më 2010 për 4.5 milionë euro.