LeBron tregon se sa e rëndësishme ishte fitorja e Lakers ndaj Pelicans, për Davis
LeBron James ka dhënë disa komente pas fitores së LA Lakers kundër New Orleans Pelicans.
Sport
James ka bërë të ditur se fitorja e shënuar kundër Pelicans ka pasur një rëndësi shumë të madhe për shokun e tij të skuadrës, Anthony Davis.
Davis ka mbrojtur fanllën e Pelicans deri këtë sezon, dhe në udhëtimin e Lakers ai u prit me vërshëllima.
Fitorja e Lakers ka qenë e rëndësishme për lojtarin, sipas fjalëve të ‘Mbretit James’.
“Ishte detyra jonë që me çdo kusht të merrnim këtë fitore, për AD” ka thënë fillimisht James, transmeton lajmi.net.
“Ne e dinim se sa e rëndësishme ishte për të që të kthehej në këtë parket. Ai ishte spektakolar. Morri kërcime të rëndësishme. Ishte vendimtarë në lojën defensive. Ishte mënyrë e mirë për të mbyllur serinë e katër ndeshjeve në udhëtim” ka shtuar LBJ.
Sigurisht, James është një nga lojtarët që e di se si është ndjenja kur nuk pritesh mirë nga tifozët e ish skuadrës. /Lajmi.net/