Frank Lampard do të vazhdojë të luajë në futbollin anglez, jo në Chelsea por tek rivali Manchester City.

Lampard, 36-vjeç, u largua nga Stamford Bridge gjatë këtij afati kalimtar të verës duke iu bashkuar klubit amerikan New York City, pronë e Manchester Cityt.

Por, sipas medieve angleze, mesfushori anglez është i gatshëm të kalojë gjashtë muaj të huazimit te kampioni i Premierligës.

Edhe pse lëvizja do t’i mundësojë Lampardit të ruajë formën e mirë fizike para fillimit të edicionit të ri në Major League Soccer në janar, ai pritet të përfshihet në ekipin e Manchester Cityt për Premierligë dhe Ligën e Kampionëve.

City do të luajë kundër Chelseas më 21 shtator.