Mesfushori i Southamptonit, Adam Lallana do t’i nënshtrohet testeve mjekësore para transferimit në Liverpool për 25 milionë funte.

26-vjeçari, reprezentues anglez pritet të kompletojë transferimin e tij te Reds brenda 24 orëve të ardhshme. Liverpoolit iu refuzuan dy oferta për Lallanan para Kampionatit botëror por Southampton i rihapi bisedimet pas ritheksimit të dëshirës së futbollistit për t’u larguar nga klubi.

Rickie Lambert tashmë i është bashkuar Liverpoolit nga Southampton, që po ashtu shiti mbrojtësin Luke Shaë në Manchester United.

Lallana ka qenë në Southampton për 14 vjet, pasi iu bashkua klubit si 12-vjeç nga Bournemouth. Ai u paraqit në të tri duelet e Anglisë në Kampionatin botëror 2014.