Edhe qytetarët e Prishtinës në rubrikën LajmiVOX, thanë se nuk ju ka pëlqyer fare zgjedhja e Donald Trumpit si president i ri i Amerikës. Siç dihet Amerika ka ofruar mbështetje të vazhdueshme Kosovës. Andaj qytetarët  mendojnë se zgjedhja e tij do të ndikojë negativisht në raportet e Amerikës me Kosovën.

“Ne kemi dashur shumë që këto zgjedhje t’i fitoj Clintoni. Mirëpo këto ndodhin”, tha një qytetare.

“Unë nuk jam politikan. Amerika i din punët e veta mirëpo Trumpi ka shumë gabime, të zinjtë nuk pi donë, të huajt nuk pi donë, myslimanët nuk i donë dhe kjo është shumë shqetësuese për mua”, u shpreh një qytetar.

“Unë i kamë prit si shumë normale këto zgjedhje”, tha një qytetar.

“Zgjedhjen e Trampit nuk e kam prit mirë. Nuk më ka pëlqyer fare”, tha një qytetar. /Lajmi.net/