Suksesi i Ballkanit në raundet e parakualifikuese të Conference League duhet t’u gëzohen edhe skuadrat tjera të Superligës së Kosovës.

Suharekasit, falë performancave fantastike në këto sfida, kanë arritur hiç më pak sesa në fazën play-off të Conference League.

E i tërë ky sukses është përkthyer në një lajm të mirë edhe për rivalët e tyre brenda ligës.

Suksesi i Ballkanit i mundëson fituesit të Kupës së Kosovës që sezonin e ardhshëm aventurën në Conference League ta nis nga raundi i dytë kualifikues, transmeton lajmi.net.

Të paktën kështu raporton gazetari Arbon Flugaj.

Kjo pasi për momentin, Superliga e Kosovës renditet e 33-ta në koeficientët e ligave evropiane

Në Conference League, shtetet e renditura nga vendi 21 deri në 41 i dërgojnë fituesit e Kupave me automatizëm në raundin e dytë

Nënkampionët e Superligës do nisin garat nga rrethi i dytë në atë moment kur kampionati ynë arrin të rangohet si i 29-ti.

Shtetet e renditura nga pozitat 13-28 e dërgojnë edhe vendin e tretë direkt në raundin e dytë. /Lajmi.net/