Para kësaj detyre të re, avokati amerikan me prejardhje hebrenje ka punuar në Bosnjë dhe Hercegovinë si prokuror ndërkombëtar nga viti 2006 deri në vitin 2009. Ai ka udhëhequr dhomën speciale në prokurorinë boshnjake për krime lufte gjatë dy viteve të fundit.

Ka qenë i angazhuar për raste të mëdha dhe është njohës i mirë i rrethanave në Ballkan.

Pas Bosnjës, Schwendiman e ka vazhduar punën si ndihmës i prokurorit federal në shtetin e lindjes, Juta në SHBA dhe ka ligjëruar në Universitetin e Jutas. Më pas ai ishte angazhuar në Afganistan në hulumtimin e përvetësimit dhe korrupsionit.

Ai si zyrtar i Departamentit amerikan të Drejtësisë ka punuar edhe në Bangladesh, Tajlandë dhe Vietnam. Në ekipin e tij në Kosovë do të jenë kryesisht shtetas evropian, por do të ketë edhe amerikan dhe kanadez.

Schwendiman është lavdëruar nga prokurori serb për krime lufte, Vladimir Vukçeviq.

“E njoh si profesionit derisa ishte zëvendësprokuror në Bosnje. E kemi parë disa herë. Ka punuar në lëndë të mëdha dhe të vështira me shumë profesionalizëm”, ka thënë Vukçeviq. /Indeksonline