Ky është parashikimi i motit për sot

7:34 | 12 Shkurt 2019

Foto: Ilustrim

Instituti Hidrometeorologjik i Kosovës (IHMK), ka bërë të ditur se kjo javë do të karakterizohet me mot të ndryshueshëm.

Instituti Hidrometeorologjik i Kosovës (IHMK), ka bërë të ditur se që nga dita e djeshme e deri të premten, vendi ynë do të karakterizohet me mot të ndryshueshëm, shkruan lajmi.net.

Sipas IHMK-së, vendi ynë do të ndikohet nga masat e ajrit me presion të ulët atmosferik, të cilat vijnë nga pjesa veriperëndimore e Kontinentit, duke ndikuar në uljen e temperaturave në të dy vlerat ekstreme.

Minimalet parashihen 2 deri 6 gradë Celsius, ndërsa maksimalet e ditës parashihen të arrijnë 6 deri në 13 gradë Celsius.

Përgjithësisht nga dita e marte, parashihen temperatura të ulëta të cilat u përgjigjen mesatareve të muajit shkurt.

Kjo situatë e ndryshueshme meteorologjike do të ndikoj pozitivisht në përmirësimin e cilësisë së ajrit.

Do të fryjë erë nga drejtimi i juglindjes dhe veriperëndimit me shpejtësi 1-9m/s. /Lajmi.net/