Në raundin e dytë të votimit mbetën vetëm kandidatët Hilmi Jashari dhe Gjyljeta Mushkolaj. Asnjë prej tyre nuk arriti që të marrë votat e mjaftueshme që të zgjidhet në këtë post.

Hilmi Jashari mori 43 vota ndërsa Mushkolaj 41. Dy vota u shpallën të pavlefshme.

Kjo është hera e dytë që Kuvendi i Kosovës nuk arrin që të zgjedh Avokatin e popullit. Një dështim të njëjtë kishte pasur edhe të mërkurën e javës së kaluar.

Tashmë, Kuvendit i mbetet që në afat prej 30 ditësh të rishpall konkursin për Avokatin e Popullit.