Kush është Ibrahim Dresheviq dhe Yildren Ibrahimaj, dy emrat e rinj që do ta veshin fanellën e Kosovës
Para pak momenteve, Përfaqësuesja e Kosovës edhe zyrtarisht e publikoi listen për dy ndeshjen e qershor, atë ndaj Malit të Zi dhe Bullgarisë.
Sport
Por trajneri Bernard Challandes ka befasuar me dy prurjet e reja. Bëhet fjalë për Ibrahim Dresheviq dhe Yildren Ibrahimaj.
Dyshja janë të ftuar për herë të parë në grumbullimin e ‘Dardanëve‘, por më poshtë do ju njohim me profilin e tyre të plotë, shkruan lajmi.net.
Ibrahim Dresheviq
Ibrahim Dresheviq ka lindur më 24 janar të vitit 1997 në Suedi.
Karrierën e hershme e nisi te skuadra e Norrby, për të kaluar më pas te Elfsborg. Këta të fundit e promovuan në ekipin e parë Dresheviqin, i cili ka bërë 31 paraqitje.
Por 22-vjeçari ka bërë një hap të rëndësishëm në karrierë, duke u transferuar këtë vit te Heerenven, ku ka bërë 6 paraqitje.
Ai ka përfaqësuar edhe skuadrën e moshave të Suedisë U17 dhe U19.
Dresheviq luan në pozitën e qendërmbrojtësit.
Yildren Ibrahimaj
Yildren Ibrahimaj ka lindur më 24 dhjetor të vitit 1995 në Norvegji.
Karrierën si një i ri, Ibrahimaj e nisi te Grane, por në vitin 2012 skuadra e Arendal e transferoi atë.
Tek ky klub ai qëndroi për pesë vite, duke bërë 129 paraqitje.
Në janarit e vitit 2018, ai kaloi te Mjondalen, ndërsa në verë kompletoi transferimin te Viking.
23-vjeçari luan në pozitën e mesfushorit qendror. /Lajmi.net/