Kush është Florent Muslija, lojtari i fundit që iu bashkua Kosovës?
Kombëtarja e Kosovës në Futboll dhe gjithë përkrahësit e saj kanë marrë një lajm të mrekullueshëm sonte.
Sport
Ylli i skuadrës së Hannover që garon në Bundesliga, Florent Muslija, i ka thënë PO kombëtares së Kosovës.
Muslija aktivizohet në pozitën e mesfushorit sulmues tek skuadra e Hannover, ku ka tërhequr vëmendje të madhe me paraqitjet e tij.
Ai u aktivizua në 17 ndeshje (Bundesliga) këtë edicion me skuadrën e tij, ku shënoi dy gola dhe një herë u ndëshkua me kartonin e verdhë, shkruan lajmi.net.
Muslija pati një ndeshje edhe në kuadër të Kupës së Gjermanisë, por nuk arriti të linte gjurmët e tij.
Florenti është i lindur më 6 korrik të vitit 1998 (20 vjeçar) dhe është e ardhme e ndritur për futbollin kosovar.
Më poshtë lajmi.net ua përcjell edhe golin më të mirë të tij deri në këtë pikë të karrierës, gol që i dha zërin Florentit në futbollin gjerman. /Lajmi.net/