Kusari-Lila: Ka shumë hapësirë për bashkëpunim ekonomik mbarëshqiptar
Kryetarja e Gjakovës, Mimoza Kusari - Lila tha se ende ka shumë hapësirë për bashkëpunim ekonomik mes Kosovës dhe Shqipërisë por edhe trojeve tjera shqiptare.
![](https://lajmi.net/wp-content/uploads/media/image/201401/full/Mimoza-Kusari-Lila.jpg)
Lajme
Në emisionin “Shqip”, ajo ka thënë se shqiptarët shpesh humbin fokusin politik, duke u përqendruar më shumë në politika afatshkurtra.
“Mendoj se ka hapësirë të madhe për bashkëpunim ekonomik. Ndjej se ende në Tiranë dhe Prishtinë ndjehet ndikimi i politikave të grupeve të caktuara ekonomike. Arsyeja që Serbia është një akter në Ballkan lidhet me forcën ekonomike që ka. Nëse shikohet numri i shqiptarëve në Ballkan, ne jemi të barabartë dhe parashihet ta kalojmë kombin serb”, tha ajo.
“Prandaj shpeshherë humb ky fokus, duke u fokusuar në politika afatshkurtra e jo në ato afatgjate”, tha Kusari-Lila.
Ajo shtoi se ende ka shumë hapësirë të pashfrytëzuar mbarëshqiptare në nivelin ekonomik.
“Ka shumë hapësirë të pashfrytëzuar mbarëshqiptare në nivelin ekonomik”, tha Kusari-Lila në Top-Channel.